你有無用過?

又大左一歲！多謝各方好友熱情祝賀，小弟銘記於心。多謝多謝。

數數下，我由十幾歲開始用手提電話，唔算成日換款，但大大話話都用過十幾個型號... 即係大概一年一個。（當然我係換型號唔換牌子）其實諾記電話好襟用。我大學年代用手提當鬧鐘，成日因為唔願起身，尤個電話繼續響同震﹐繼而震到跌落地！試過一次跌到舊電都散左出嚟，嚇到我黐線，你知啦，細個邊有咁多錢買電話，跌壞左都唔知點算。點知，一砌返，個電話完存無事，照用可也，唔講你都唔知佢跌散過！哩個年代，邊有野可以咁襟，你話佢係咪好野先。

好，數下用過邊幾款:

九七年 - 8110
我第一部nokia。Matrix裡面啲角色都係用佢嘅！潮流經典！蕉！無用過唔好話自己潮！當時我會考，梗係無錢買，其實係我堂大佬嘅，佢用左半年到就要去外國讀書，咁當然益人不如益我啦哈哈哈。當時一放學一踏出校門就攞隻蕉出嚟，簡直係就係威震成個區!










九九 - 8210
你用過0羊色?








零四 - 7610
又一經典，靚不在話下，最勁係個鏡頭，佢影啲相基本上可以話係無任其它牌子型號可以媲美。