崖の上のポニョ

i dun really like cuties.
but i respect Mr Miyazaki Hayao and love his work sooooo much!
every of his stories are touching. coz they do it with heart!

又一日

好唔容易又一日。

工作的、人的、事的、過去的、未來的﹐每一項都要用力整理。有時都會不停諗﹐十年後既我會點呢。又或者唔好咁遠﹐一年後既我會點呢。會好唔同﹐定其實都係差唔多… 諗得太多有時都會 支力。但諗起身邊有咁多對我好既人﹐咁多朋友﹐咁多好既事﹐個人就會醒神返哂！哈哈。都係果句﹐做人要有passion有火﹐唔好俾自己變做機器！

magazine window shopping

上星期要拍片所以執左好多野出黎，今早終於有時間執番下野﹐兼打開幾日前買0個本日本郵購買衫雜誌。聽講今季好掂，又唔算好貴，4900yen 件格仔shirt，係有details果隻，但之前每次揭完揀好，就當買左。可能都係擔心收到會失望，所以開心左一陣就byebye。

今季都ok, 有幾件諗緊，不過yen 仲係貴，唉！其實哩排通街都大割引，我有個friend做雜誌，forward左好多名牌 private sale email 比我。但好多都係女裝，所以真係唔該晒，因為一定唔會跌錢。





好多click﹐好多朋友留言。再講唔好嫌我"chum"﹐多謝哂。但同時我開始覺得有壓力....

多謝﹐多謝﹐再多謝

今日真係出左報紙稿﹐衛X pre order。只需要去鋪頭﹐落幾百蚊訂﹐留名留電話﹐有貨就call你。本來keep左份報紙﹐諗住影張相post上黎﹐但我漏左0係公司...... -_-;

有好多唔好的comment﹐有更多鼓勵既說話。我想再講一次﹐多謝你地每一位。我唔知我係咪真係可以﹐但我會盡我既力。係為電話好﹐定為乜都好﹐希望你地同我一樣﹐搵到一樣令你有passion既野。

多謝﹐多謝﹐再多謝你地每一位。you make my day。

立場堅定!

今日知道左5800有得pre order...... 聽聞聽日會有報紙稿出添...

我最初都諗過不如加入預訂行列，有保障。但很快我的一團火回來了。因為據我所知﹐大貨應該下星期中先到。即係話﹐我仲係有機會！我是應該堅定立場，繼續爭取票數，做第一個5800機主！！哩幾日不停有人黎支持我，又幫手click又留言鼓勵，所以我對我呢次行動仍是有希望！

多謝大家的支持，我會繼續努力！亦為左答謝大家﹐我做左個nokia ringtone performance﹐喜望你地鍾意！

準備第二擊

首先多謝大家支持，特別再三聲明我係超認真。麻煩各界好友forward條link出去，叫其他人都幫幫忙click 一 click 唔該！

今早返到公司開電腦心血來潮，心諗 atnext.com 既網友來料會唔會登我出黎，立即睇下。。。當然係冇。不如等我自動報料?!　其實昨晚我同edit friend傾過，唔可以就咁坐係度等。所以又再搞左D野，仲搞到好夜。真係辛苦晒~~~

第一晚的票

今晚約左朋友係銅鑼灣食飯，沿路我已經感覺到有人認出我!!?? 雖然有d怪怪，但係又想問佢你click 左未~~~　席間d friend見到初時都笑，但後來反而獻計再點攪點攪好。又話企街拉票攪蛇宴，又話發稿比傳媒爆大鑊，又有人話佢朋友既朋友係諾記做，不如直接搵佢問下...到最後當然得﹣啖﹣笑。然後話題就轉到老X輝派紅色炸旦。Anyway, 有人講已經係好既開始，心諗... btw, 是晚試左間新開日式炸豬扒，到最後都係得﹣啖﹣笑。係未真係新不如舊？！

不過既然我已經下定決心，就要堅定!　票數已經比放工時多左，多謝大家的一 click(或者兩click, 或者三click...)，由條片post出到呢一秒，我仍然好興奮，但又好忐忑。千奇要夠票數！不過，佢地都講得啱，唔可以就咁坐係度等票，要再主動d。

今晚早走左宜家要做埋公司d手尾~~~~ 但又好攰，打字打到手軟，我諗我畫會快過打字。

多謝多謝 !

短短幾個鐘就有二百幾click!

多謝各位!

雖然好多朋友暱名留言﹐但我都已經好開心!

希望你地會叫多D人黎支持哩個創舉!!

多謝哂!

大家請支持我！

條片係我個friend幫手拍同edit（鳴謝~~)。 都攪左好耐, 幾晚趕工後終於完成。手機相我有好多，但拍片+edit都係第一次。希望大家有力出力支持我，幫我完成心願，幫手感動諾記，優先比我成為首個擁有Nokia 5800既香港人！感謝感謝~~~~!!!

假如我可以最先擁有5800,我一定會將部機最精湛既試機報告最絕密既用家心得第一時間post出。請大家多多支持本人！

(宜家要去開會先~~~)

第一個擁有5800 預告

我早就知道N記做緊野。10月頭終於開發佈會晒冷... Nokia Tube , 即係5800 XpressMusic!!! 之前有Forum人去過發佈會，返黎報告話超正，我話我都估到！等左成年，等到年尾先出呢部機，睇住人地黎打，外面咁熱鬧，但fans當然一直等，終於輪到我出手！首部touch screen機都係賣四千內（我預計），當然係好吸引，但一定好多人排或者搵人內部認購，首批貨可能又少到一陣就話賣晒要再等。要我早幾日紮營排隊我又唔想。

身為N記fans, 追隨多年冇轉軚，仲差不多有齊全部型號，我同佢地既關係可以稱得上戰友。但以前有新機出都未必第一時間到我手，這其實係一個斷層。所以由今次開始，我好想有一個改變.... 我想成為香港第一個擁有N記新機既人... 咁樣對我對大家會係一個突破...

Shopping!

今晚出左尖咀食飯﹐本來冇諗住買﹐但行行下﹐唔覺意跌左錢... 講真﹐千金難買心頭好﹐冇計﹐好彩朋友有discount!哈哈~~ 我買衫其實都唔睇牌子。貴唔一定好﹐平又唔一定差﹐最緊要識揀﹐同自己著得舒服！有自己style最緊要~

啟動Flickr

勁, 一次過搬哂D相去Flickr.

http://www.flickr.com/photos/try_sth_new/

你有無恨過？

我有。有一部係當年唔會有錢買，而大個左亦無辦法買得返....
二千年嘅8850!!!

人稱鬚刨王，銀色金屬外殼，加獨有藍色屏幕燈.... 價錢經炒上過萬，後來回落至八千，但都唔會夠錢買。試過睇戲，漆黑中見前幾排突然發出一束藍光，心裡除一輪粗口鬧爆阻住睇戲外，亦會湧上一股酸溜溜感覺...... 因為你知到佢..... 一定係用緊8850.....

不枉此生

其實我都係一個好彩既人﹐由細到大﹐屋企雖然唔係大富貴﹐但一D都唔洗我擔心﹐而且都好照顧我。讀書唔係叻﹐但讀到我自己鍾意既科目(design)。出到黎做野﹐亦都算一條大直路。其實我有好多同學﹐讀完都做唔返design....

做左廿幾年人﹐無大風浪﹐但同時間我覺得﹐自己無乜野achieve過.... 係我自己太多野諗？你地會唔會有同我一樣既諗法？想做D野﹐想做D特別既野.......

tired...

哩排多野做﹐做到好 支力... 好想放假﹐好想去旅行。一講去旅行就會掛住日本。日本係一個永遠有驚喜俾你既地方﹐無論你去過幾多次﹐佢都仲有睇唔完既野。有傳統又有潮流。新同舊既mix係哩個城市有種特別既化學作用﹐令到個地方好有趣。

無得去旅行﹐退而求其次﹐希望可以快D搞掂手頭上既野﹐放一兩日假﹐靜靜地睇下雜誌hea下﹐等自己可以諗下野... 同埋﹐想執下我D電話collection...

'的'起心干

睇人地啲blog就睇左好多年，不過自己就一路都無寫。點解？！我都唔識解，但anyway，而家開始都唔遲！

我會同大家分享我多年來嘅珍藏，全部都係nokia嚟嘅。我係咪好鐘意nokia?係，我認我係死硬派fans。點解？！無得解，我凈係知當我知道哩個世界上有手提電話嘅時侯，nokia就已經係手提電話界一哥。用nokia就等如勁。用nokia就等如型。於是由細細個睇住大人用，到自己識搵錢可以自己買電話，nokia 都係我不二之選。係，係情意結嚟。

講真，70's至80's出世嘅朋友，你有冇用過nokia吖？無理由無囉。咁你話哩個牌子係咪經典，係咪好勁。